Stilpusane dreg til Hyllestad » Ettersom Hyen tjuvstarta den andre serierunda i 6. div. avd. 2 med å spele sin kamp på fredag er det berre eit oppgjer i avdelinga denne tirsdagen: HYLLESTAD - SANDANE2     Hyllestad idrettsanlegg, 28 april 19:00 Dommar: Karl Inge Wolff (Hyllestad) Vurdering: Hyllestad er eit nytt lag i 6. divisjon i år etter at dei ikkje kunne stille lag i 2008 og 2007. I år har laget ein stor og god stall med ein fin mix av ungt og lovande og litt meir rutinert og gamalt. Laget har i tilegg hatt gode resultat i vinter og har slått Gaular2 først heime før dei knuste same lag borte med heile 4-0. Kombinasjonen av dette har og medført at vi har god tru på Hyllestad i år og har tippa dei heilt oppe på 2. plass (les meir om det her). Hyllestad spelte tirsdag årets første kamp i 6. divisjon då dei vann 3-1 borte mot Anga. Anga har vi tippa i botn av tabellen, men dette var uansett eit sterkt resultat av Hyllestad og nettopp Anga er eit lag dei har slite med på bortebane før og viser nok med det at dei blir å rekne med i år....  Sandane2 er i våre augne årets seriefavoritt. Dei har eit ungt og spennande lag med mange talentfulle spelarar. Samtidig er også laget veldig bra samspelt då dei over lang tid har fått treent mykje og bra i lag. (Les meir om vår vurdering av laget her.) Sandane skulle eigentleg ha opna sesongen heime mot Gaular2 tirsdag, men den kampen er blitt utsett til 2. mai. Hyllestad har allereie sikra seg tre poeng, og har nok allereie satt litt press på dei andre laga i avdelinga som ønskjer å ta førsteplassen. Sandane2 er i høgste grad ein av disse, og med tap her vil dei være heile 6 poeng bak Hyllestad! Ut i frå det vi har spådd er dette eit av årets toppoppgjer! Vi trur dette blir ein svært jamn kamp, og på eit svært uvant og spesielt underlag kan nok dette bli ei stor utfordring for Sandane2. Hyllestad spelar sin første heimekamp på tre år, så her kjem nok bygdefolket til å støtte godt opp og då blir det spennande å sjå korleis Sandane2 taklar dette. Vi trur likevel Sandane2 har sopass mykje kvalitet i laget at dei tar det lengste strået, men får dei ei tidleg leiing imot kan det fort bli nokre stressa små stilpusar mot harde hyllestadoksar! 1-2? Publisert 27 april 2009

309 minutt med "clean sheet"! »