Breim håpte kanskje no at redusering skulle inspirere dei nok til at jakta på utlikning kunne starte, men allereie no begynte rødtrøyer å hangle litt og det såg ut til at lyskestrekkane låg og skalv i vannskorpa på fleire. Dei hang i alle fall etter, og når Marius Hallem sette fart kunne han nesten tatt ei ekstra runde rundt motstandaren etter at han hadde passert dei, utan å miste ballen. Det var iallefall lite som vitna om at det var Hyen som hadde hatt treninghelg og soleis burde ha litt tunge bein.

Drøyt midtvegs ut i omgongen var breimningane nok ein gong på etterskudd. Roger Nordal som nettopp var komt på bana var på hugget inne i boksen og blei regelrett dratt ned i bakken. Dermed hadde dommaren lite valg om han skulle være konsekvent og soleis var det klart for dagens andre straffe.

Anders Klungre var iskald og sette ballen kontant i mål. og då stod det 3-1 då laga gjekk til pause i vintersola på Eid Idrettspark!

Første halvdel av andre omgong var ikkje mykje å skrive heim om. Strukturen i hye-midtbana datt ihop og det blei litt for mykje at alle sprang der ballen var. Nett so ein gjorde barneskulen!

Kva dette skuldast er det nok ikkje berre ei forklaring på, men det var tydeleg at mange bytte førte til at ein del spelarar hamna i uvante posisjonar som dei aldri heilt klarte å tilpasse seg. Det gjorde blant anna at det blei altfor stor strekk i laget og dermed blei det til at ein jobba for mykje ein og ein og ikkje som eit lag. Og det er ikkje sånn fotball skla være. Nei slik er det som kjent berre egoistane innafor minioritets-idretta som friidrett og ski som driv med.

Men i kampens siste halvdel så klarte Hyen å skjerpe seg. Ein begynte å spele meir i lag og då skulle det også rimeleg kjapt blir resultat ut av det! Hyen rulla opp på venstre sida, og ballen gjekk ut til debutanten Ole Jakob Mjellem. Han slo ballen fint inn i midten til Roger Nordal som fekk vendt opp spelt vidare til Marius Hallem. Hallem gjorde omtrent nøyaktig som i første omgong, tok med seg ballen litt ut til høgre før han klinka den ned i venstre hjørne utagbart for keeper.

Hyen hadde med tre hospitantar i denne kampen som alle bidrog på ein svært positiv måte. Arild Strømmen viste gode intiativ og starta fine angrep på høgrekanten. Roger Nordal bidrog med duellstryke, gifitige skudd og to assist på topp. Den tredje Markus Ask, som spelte indreløpar på slutten av kampen skapte mange sjansar. Først finta han seg gjennom forsvarlinja til Breim og blei kløppa ned med resultat ei nye hye-straffe. Anders Klungre var nok ein gong nokså sikker og dagens femte ball låg i Breim-nettet!

Fem minutt før slutt var Ask på ferde igjen og etter litt samspel med Klungre så fekk han ballen aleine med keeper. Her gjorde han ingen feil og sette ballen tilside for ein sjanselaus sisteskanse. Dermed blei det scoring for Mandølingen i det som truleg var både hans første og siste kamp i hye-drakt!

Sigeren var no, om det nokon gong hadde vore noko tvil fullstendig i boks, men Hyen klarte likevel å rote det til for seg sjølv på slutten. Ein lang ball blei slått ned i hyaranes bakrom, der Sindre Willumsen spiss kom jagande. Dårleg kommunikasjon mellom ein utrusande keeper og ein ubesluttsom forsvarar gjorde at ballen spratt mot åpent mål og då fekk Willumsen ein enkel jobb med å putte!

Dermed endte det altså med 6-2 i treningskampen mellom dei to Gloppe-rivalane! Hyen kan ta med seg mykje positivt frå denne kampen. Bakover hadde ein stort sett full kontroll med nokre få unntak, og samarbeidet og kommunikasjonen forsvarsfiraren seg i mellom fungerte veldig bra. På midten har spelarane sentralt so store ferdigheiter at dei klare å drible av eit par mann kver gong. Det åpnar sjølvsagt for store sjansar framover på bana og når samarbeidet med spissen og fungerar resulterer det i mange mål! At laget scorar på innøvd corner på første forsøk viser jo og at det nyttar å bruke litt tid på terping på bestemte ting.

Mindre gode ting florerer sjølvsagt på dette nivået, men det mest negative er at Hyen ikkje klare å få med backane og heller ikkje i særleg grad vingane i det offensive spelet. Dette skuldast nok ein del at låvedøra til Breim var på vidt gap sentralt i bana og dermed blei det veldig fristande for hyarane sentralt å kjøre på der. Men her burde ein likevel kunne tatt seg tid til å roe ned, slå nokre støttepasningar og bygge opp angrepa bakfrå. At laget framstår som veldig uorganisert det meste av andre omgong er naturlegvis det som bekymra mest og her må det takast tak. Men det er lenge til sesongstart så dette har ein god tid til å justere.

Dagens motstandar er det vanskeleg å sei så mykje positivt om. Eit lag med kjekke folk som det er artig å spele mot, men på det spelemessig planet så var det nesten like bleikt som snøen som omkransa bana på Eid Idrettspark. Dette skuldast nok stort sett at Breim har mista mange viktige spelarar og i tillegg mangla ei brote med spelarar til denne kampen.

Men faktisk er stoda i Breim-leiren so preker at dei kan måtte trekke laget sitt frå 5. divisjon! Det er sjølvsagt veldig trist om det skulle skje, og det er synd at ikkje fleire breimningar ser nytten av å holde liv i herrelaget i bygda. På dette nivået går det ikkje ann å være så storforlangande når det kjem til kvalitet på treningar, kunnskap til trenar og elles andre forhold rundt laget. Det viktige må være at ein har det kjekt med fotballen og at dette blir ein sosial møteplass for dei fotball-interesserte i bygda. 

Dette er og det samme for Hyen. Ingenting tilseie at ei så lita bygd skal kunne ha eit herrelag, men dersom alle tar eit tak og tenke at lag skal vi ha så går det fint ann å spele for Hyen om ein bur utanfor fylket. Dette skapar og ei ekstra tilknytting til heimplassen som og gjer det kjekt å vende tilbake og kanskje kan dette være ein av faktorane som gjer det meir aktuelt for ungdomen å flytte tilbake ein gong i framtida! Og det e jo flott!

Så vi kryssar fingrane for Breim, og håpar at både Møkalasset og andre breimingar får mykje å juble for dei neste åra!